O 1 de abril de 1997 constituíase imaxin|software, creada por catro amigos entusiasmados polas posibilidades de aplicación de Internet e as novas tecnoloxías. Traballamos moito, e tivemos a sorte de facelo tal como o planeamos, aplicando as novas tecnoloxías principalmente en educación, cultura e lingua, que son nosas -outras- paixóns. Polo camiño fixemos novos amigos, aprendemos (non deixamos de facelo) e axudamos a outros a dar ese paso que agora celebramos.

Esta nova páxina web é parte da celebración de aniversario, haberá máis, pero non podemos desaproveitar a ocasión de agradecer o apoio das nosas familias, a implicación do noso equipo e a colaboración de todas as persoas que nalgún momento nos brindaron a súa axuda. Grazas de parte de Diego, Luz, José e Antonio.

20 ANOS NON SON NADA!