Coñécenos un pouco máis
20 anos de experiencias
Somos unha compañía de software especializada en solucións multimedia e tecnoloxías da lingua.
Fundada en 1997, imaxin|software é unha compañía de software especializada no desenvolvemento de solucións multimedia e tecnoloxías da lingua. O noso obxectivo é asesorar e aplicar tecnoloxías mellorando os procesos de comunicación e formación.
Nos últimos 10 anos convertémonos en líderes na implantación de solucións de tradución automática a nivel español. No ámbito educativo e formativo somos pioneiros na utilización e implantación de videoxogos en procesos de aprendizaxe.
A calidade, a seguridade da información e a mellora continua son parte da nosa filosofía e que aplicamos en cada proxecto repercutindo na satisfacción dos nosos clientes. Por elo, dispoñemos dun Sistema de Xestión da Seguridade da Información baseado na Norma ISO 27001 e no RD 311/2022 (ENS).
imaxin|software obtivo a certificación de conformidade co Esquema Nacional de Seguridade (ENS) para
Os sistemas de información que dan soporte ás actividades de desenvolvemento, mantemento e explotación de software especializado en intelixencia artificial (procesamiento da linguaxe natural: tradución automática, correctores ortográficos e gramaticales) desde infraestrutura Cloud de imaxin|software:
PRINCIPAIS FITOS
desde 1997
Ver a nosa historia
Corrector imaxin Galgo
Febreiro 4, 1998
Estreamos a nosa área de enxeñaría lingüística co desenvolvemento do primeiro corrector ortográfico orientado a linguas minorizadas. imaxinGalgo, distribuído pola Xunta de Galicia convértese nunha ferramenta imprescindible para escribir correctamente en galego.
Dicionarios electrónicos
Abril 4, 2000
No ano 2000 desenvolvemos todo un ecosistema de aplicacións para a transformación e creación de dicionarios electrónicos. Nese mesmo ano e os seguintes creamos, para diferentes editoriais, organismos e fundacións, as versións electrónicas dos seus dicionarios.
Serious games
Xullo 9, 2001
A nosa área multimedia comeza unha liña de novos produtos relacionados co desenvolvemento de serious games. O noso primeiro proxecto é unha aventura gráfica ambientada en Santiago “O Misterio das 7 pezas”.
Nova área de localización de software
Maio 18, 2004
Neste ano creamos unha nova liña de negocio de localización, ou o que é o mesmo, de tradución de software. Inauguramos a área coa localización a galego de Microsoft Windows Xp e Office. Posteriormente localizariamos todas as versións destes paquetes.
Opentrad, sistema de tradución automática
Xuño 7, 2005
Despois de 2 anos de traballo nun proxecto PROFIT con universidades e empresas preséntase Opentrad. A primeira plataforma de tradución automática en código aberto para linguas próximas. Este proxecto seguiu evolucionando converténdose na principal plataforma de tradución do Estado español.
Premio da AETG-COETG a Opentrad
Novembro 17, 2006
A Asociación e o Colexio Oficial de Enxeñeiros de Telecomunicación de Galicia (AETG-COETG) concédenos o premio á mellor Aplicación TIC por Opentrad na XI Noite galega das telecomunicacións e da sociedade da información.
Premio Eganet á mellor iniciativa de comunicación web institucional
Marzo 28, 2007
O videoxogo educativo en liña “Keco e a Ecopanda”, desenvolvido para Ecoembes en colaboración coa Xunta de Galicia, é galardoado co premio da Asociación galega de empresas dedicadas a Internet e ás novas tecnoloxías (Eganet) á mellor iniciativa de comunicación web institucional.
Novos produtos lingüísticos
Maio 15, 2007
Ampliamos a nosa gama de produtos lingüísticos co desenvolvemento de Golfiño, verificador gramatical de galego para OpenOffice.
Premio Eganet ao mellor ambiente laboral
Febreiro 17, 2009
Recibimos con orgullo e satisfacción o premio da Asociación galega de empresas dedicadas a Internet e ás novas tecnoloxías (Eganet) ao mellor ambiente laboral.
Simulador estratéxico
Setembro 16, 2009
Seguimos traballando na creación de serious games co desenvolvemento dun simulador estratéxico para formar e sensibilizar sobre o cambio climático, as súas evidencias e efectos. O xogador debe tomar decisións sobre urbanismo, enerxía, contaminación e xestión da auga. O seu uso aplícase en terceiro ciclo de educación primaria e primeiro de secundaria dentro do proxecto Climántica.
Instituto Cervantes
Febreiro 9, 2010
Apostamos por mellorar a nosa plataforma de servizos de tradución automática e abrimos a tenda en liña de tradución de documentos. Opentrad é seleccionado polo Instituto Cervantes para prestar os servizos de tradución automática no seu portal en inglés, español, galego, catalán, eúscaro, francés, portugués e chinés.
Opentrad no Ministerio de Facenda e Administracións Públicas
Maio 15, 2012
Opentrad é escollida como plataforma de tradución automática polo Ministerio de Facenda e Administracións Públicas. Dentro deste proxecto implántase o tradutor en diferentes páxinas web da administración pública como 061 e PAE.
Tradutor Gaio
Xuño 18, 2013
Resultamos gañadores do concurso da Xunta de Galicia polo que Opentrad pasa a ser a plataforma de tradución para a administración autonómica e as administracións locais. O nome elixido pola Xunta para este servizo é Gaio.
Premio Manuel Beiras
Decembro 8, 2015
O xurado acordou concedernos a distinción especial do Premio Manuel Beiras por ser “unha empresa cunha ampla traxectoria na consultoría e no desenvolvemento de servizos e solucións de software, ademais da única firma galega que deseña software directamente para a multinacional americana Microsoft Corporation e unha firma pioneira na aplicación e integración de ferramentas e software relacionado coa lingua galega, e con especial destaque nos seus tradutores en liña”.
EQUIPO DIRECTIVO
Diego Vázquez
Luz Castro Pena
