intelixencia
en diálogo
En imaxin cremos que a tecnoloxía só ten sentido cando axuda as persoas a entenderse mellor. Por iso levamos máis de 25 anos desenvolvendo solucións que poñen a intelixencia ao servizo das linguas.
As nosas ferramentas falan galego, catalán, asturiano, español, inglés… e falan con sentido. Axudan a que institucións, medios e empresas comuniquen mellor, publiquen máis rápido e manteñan a calidade en todos os idiomas.
imaxin axuda a que o mundo se entenda mellor.
Que facemos cando
falamos de linguas e IA
Cando a intelixencia entende as linguas, todo encaixa.
As linguas están no corazón da comunicación humana, e tamén no da intelixencia artificial.
As tecnoloxías da linguaxe permiten que as máquinas comprendan, procesen e xeren texto e voz: traducen, corrixen, buscan, clasifican ou crean contido.
En imaxin, aplicamos estas capacidades para resolver retos reais: facemos que un portal publique automaticamente en varios idiomas, que un corrector identifique matices de estilo, ou que unha hemeroteca dixital sexa consultable palabra a palabra.
Experiencia
e innovación
25 anos construíndo o futuro das linguas
A nosa historia é unha historia de innovación continua.
imaxin foi pioneira no desenvolvemento dun dos primeiros correctores ortográficos de galego, integrado posteriormente en Microsoft Office.
Desde entón, seguimos avanzando con proxectos que marcaron o camiño: dicionarios dixitais, corpus literarios, sistemas de dixitalización e indexación de hemerotecas, e motores de tradución automática implantados en administracións, universidades e medios de comunicación.
Hoxe combinamos esa experiencia coa intelixencia artificial aplicada, desenvolvendo modelos neuronais, tecnoloxías multilingües e solucións deseñadas para garantir calidade, privacidade e interoperabilidade.
Os nosos
servizos
Catro áreas, un mesmo propósito
Agrupamos as nosas solucións de tecnoloxías da linguaxe en catro áreas complementarias, que poden integrarse en calquera contorno tecnolóxico.
Tradución automática
Sistemas neuronais e híbridos para traducir contido web, documentos e fluxos editoriais multilingües. Escalables, personalizables e dispoñibles como servizo SaaS ou mediante integración directa.
Asistencia á escritura
Motores ortográficos, gramaticais e de estilo adaptados a cada lingua e sector, para garantir precisión e coherencia en cada texto.
Procesamento da Linguaxe Natural (NLP)
Solucións baseadas en IA para analizar, clasificar, extraer e comprender información textual. Desde a minaría de datos lingüísticos ata a creación de modelos conversacionais.
RAG e IA conversacional
Sistemas intelixentes capaces de comprender documentación e responder en linguaxe natural mediante busca semántica e modelos conversacionais.
que se comunica
Proxectos
e clientes
A linguaxe
conéctanos
A linguaxe únenos, identifícanos e permítenos pensar en conxunto.
En imaxin, traballamos para que tamén conecte coa tecnoloxía e para que cada palabra conte.
Queres saber máis ou descubrir como aplicar estas tecnoloxías ao teu proxecto?