A nosa imaxe
evoluciona
Somos unha organización comprometida cos nosos valores, e a nosa marca é un reflexo de quen somos e como traballamos. A nosa imaxe evoluciona, pero mantén sempre o mesmo propósito: axudar a que o mundo se entenda mellor.
Para acompañarnos neste redeseño da marca contamos con Costa, un equipo co que conectamos desde o primeiro momento pola súa maneira de escoitar, entender e construír en común. A súa experiencia no sector tecnolóxico axudounos a traducir o que xa eramos —a nosa orixe, a nosa cultura e a nosa forma de facer— nunha identidade máis clara e actual, mantendo intacta a esencia: imaxin axuda a que o mundo se entenda mellor, con intelixencia en diálogo.
O identificador de imaxin baséase no propio nome da compañía, escrito coa tipografía corporativa en semibold e reaxustado á retícula creada a partir do "i". Esta construción tipográfica convértese no eixe visual da marca e dálle coherencia ás súas diferentes versións e aplicacións.
Presentación
de empresa
imaxin é unha empresa tecnolóxica especializada en tecnoloxías da linguaxe e intelixencia artificial aplicada. Con máis de 25 anos de experiencia, desenvolve solucións de tradución automática, procesamento da linguaxe natural (PLN), corrección e avaliación de calidade lingüística, anonimización e creación de datasets, ademais de desenvolvemento web e creación de aplicacións educativas.
Traballa con administracións públicas, medios de comunicación e organizacións que operan en contornas multilingües, cun enfoque ético, responsable e orientado á calidade.
O seu propósito é claro: axudar a que o mundo se entenda mellor.
Uso correcto do identificador
Estas son as guías relativas ás zonas seguras e ao tamaño mínimo para un uso correcto do identificador.
Definir altura
Utilízase o palo do "i" do logotipo sen o punto para definir a altura e a anchura da área de seguridade.
Definir anchura
O tamaño mínimo de reprodución será de 45 px de ancho en dixital e de 7,5 mm impreso.
Cores principais
O negro e o branco son as cores principais, xa que garanten o maior contraste posible para unha boa lexibilidade; están escollidas nas súas formas máis puras, mantendo ese paralelismo co código binario.
Negro
CMYK: 0/0/0/100
RGB: 0/0/0
HEX: #000000
PMS: Black 6 C
RAL: 9005
Branco
CMYK: 0/0/0/0
RGB: 255/255/255
HEX: #FFFFFF
PMS: Bright White
RAL: 9003
Cores secundarias
Estas cores só se utilizarán como complementarias das anteriores, para xerar fondos ou crear xerarquías. Representan o proceso de pasar do 0 ao 1, xa que ten que existir algo intermedio entre os dous valores, neste caso, os grises.
Gris escuro (complementario negro)
CMYK: 0/0/0/90
RGB: 51/51/51
HEX: #333333
PMS: Black 7 C
RAL: 9004
Gris claro (complementario branco)
CMYK: 0/0/0/20
RGB: 230/230/230
HEX: #E6E6E6
PMS: 427 C
RAL: 7047
Persoa,
máis que un símbolo
A figura humana que acompaña a nosa imaxe representa o diálogo e o entendemento, conceptos que están no centro do noso propósito: desenvolver software que conecta a través da linguaxe. Trátase dunha figura sen xénero, na que todas as persoas poden sentirse representadas porque simboliza o común, o que nos une.
imaxin procura o entendemento natural e non lle importa abrir o seu coñecemento nin o seu código, porque o valor do seu traballo radica na súa faceta humana.
